1 Sèptèmber 2012 durante di e stipulashon di kandidatonan, tres grupo polítiko a entrega nan lista di kandidatonan.
Pa partisipá den elekshon di 19 òktober 2012, partidonan ku aktualmente no ta forma parti di parlamento mester haña
por lo ménos 743 voto di sosten.
E aña aki preelekshon a tuma lugá riba e promé djasabra i djadumingu despues di stipulashon di kandidatonan,
esta 8 i 9 Sèptèmber 2012. Riba tur dos dia por a firma lista entre 8or di mainta i 8or di anochi.
Tres partido polítiko a partisipá na e preelekshon:
Democraat/Laboral;
PAIS;
PAN.
Dia di pre elekshon votadonan por a akudí na 6 urna den diferente bario pa duna sosten na e partidonan nobo.
Na yegada na un urna ta registrá e votadó digitalmente pa prevení ku un persona ta vota mas ku un biaha.
