KSEKSEKSEKSEKSEKSEKSEKSEKSEKSEKSEKSE
KSE KSE
KSE
KSE KSE
KSEKSEKSE
KSE
Papiamentu
KSE
Nederlands | PapiamentuKSE
KSE
KSE KSE HomeKSE Verkiezingen 30 september 2012KSE Eerdere verkiezingenKSE Over KSEKSE ContactKSE
KSEKSEKSEKSEKSEKSEKSEKSEKSEKSEKSEKSE
Voorverkiezingen KSE
KSEKSEKSE

Kiko ta Konseho Supremo Elektoral (KSE )?
Konseho Supremo Elektoral ta un órgano apuntá pa gobièrnu di Kòrsou ku den un forma independiente ta organisá, supervisá i ehekutá elekshon i referèndem di Kòrsou di akuerdo ku su konstitushon i leinan elektoral.

Publieke Zaken (Kranshi) ta tuma e parti organisatorio na su enkargo bou di supervishon di KSE. KSE ta garantisá transparensha i efisiensia den e proseso elektoral. Esaki ta nifiká ku e órgano ta organisá e elekshon, sin duna ningun preferensha na ningun partido polítiko. Nos konosé KSE tambe komo Hoofdstembureau.

Nombramentu di miembro
KSE ta konsistí di 8 miembro, esta un presidente, un vise presidente, tres miembro i tres miembro suplente ku minister di Maneho di Gobernashon, Planifikashon i Servisio Públiko ta nombra òf duna òntslag. Ta trata akí di hendenan ku ta íntegro i korekto. Hopi biaha ta skohe pa hende ku tin konosementu di lei, eksperensia ku organisashon i supervishon di asuntunan organisatorio i finansiero i ku ta inspirá konfiabilidat. E miembronan di KSE no ta risibí ningun pago pa nan trabou komo miembro. E trabou ta algu ku nan ta mira komo un trabou di honor pa sirbi nan pais.

E minister di Maneho di Gobernashon, Planifikashon i Servisio Públiko ta esun responsabel pa fasilitá organisashon di un elekshon, pero pasobra e ta un figura polítiko e ta duna e mandato na Konseho Supremo Elektoral. E nombramentu di e miembronan ta tuma lugá 30 dia promé ku postulashon di kandidato pa partidonan ku ta deseá di partisipá na elekshon.

E presidente di KSE ta responsabel pa stipulá dia i ora di reunion pa atendé tópikonan ku ta regardá elekshon. E lei elektoral, esta e Kiesreglement, ta forma e base legal pa KSE.

HSB leden 2016

Miembronan di Konseho Supremo Elektoral:
Señora Sheryl Losiabaar, Señor Robbie Panneflek, Señor Charles Do Rego, Señor Raymond "Pacheco" Römer, Señor Irving Roosburg, Señor Anthmar Kranwinkel, Señora Marguerite Britt-Hatma i Señor Theo Caris.

Su tarea
Konseho Supremo Elektoral ta enkargá ku::

- Organisashon di elekshon
Konseho Supremo Elektoral ta risibí e mandato di parti Minister di Maneho di Gobernashon, Planifikashon i Servisio Públiko pa organisá elekshon. For di e momentu ku e temporada elektoral inisiá, KSE ta responsabel pa henter e proseso di elekshon. Un deskripshon detayá di e proseso di elekshon nos por haña den e asina yamá Kiesreglement, esta e lei elektoral.

- Revishon di listanan di kandidato entregá
Pa medio di un dekreto gubernamental (Landsbesluit Houdende Algemene Maatregelen) KSE ta kontrolá e listanan riba diferente detaye personal di kandidatonan, manera nòmber, adrès, fecha di nasementu etc. i kompará nan ku esnan ku Kranshi tin den su registro.

- Desishon riba balides di listanan
Despues ku KSE revisá listanan, ta tene un reunion públiko pa hasi e aprobashon di e listanan konosí i firma e prosès verbal den kaso ku no tin opheshon públiko. Esaki ta di akuerdo ku e lei elektoral Kiesreglement A.B. 2010, nr. 87 art. 30)

- Numerashon di listanan di kandidato
KSE ta determiná a base di lòt, den un proseso transparente, e number ku kada lista ta haña riba e stèmbiljet.

- Entrega di koló pa partido
Tur partido ku KSE atmití na elekshon ta bin na remarke pa haña su koló (Kiesreglement A.B. 2010, nr. 87 art. 53). Tur e partidonan ku tin un kolo kaba ta mantené esaki i den kaso ku e partido nobo bini ku su koló, KSE ta aprobá esaki basta no tin un otro partido ku tin e koló ei kaba. Den kaso ku mas ku un partido tin preferensha pa e mesun koló, KSE ta tira lòt i asigná e koló na e partido.

- Publiká/stipulá resultado di elekshon
KSE ta aprobá pa kada lista:
- E kantidat di voto pa kada kandidato
- E total di kantidat di voto (stemcijfer)

Despues di e votashon i determinashon di e resultado ta traha un prosès verbal. Tur posibel opheshon lo bai den e verbal aki (Kiesreglement A.B. 2010, nr. 87 art. 89, 90). Presidente di KSE ta hasi e resultado di elekshon konosí mas pronto posibel (art. 86, 87,89 i 90).

Ekspertisio, neutralidat i sentido di responsabilidat di KSE ta garantisá un proseso efisiente i transparente ku un resultado di elekshon ku komunidat por konfia i aseptá.

KSE

 

KSE
KSEKSEKSEKSEKSEKSEKSE

 

 

 

 

 

Copyright ©2017 Hoofdstembureau Curaçao. All rights reserved.